【出發前必睇 】酒店夾萬都係不用為妙

是咁的。。。

小編正職係做某酒店大集團嘅。小編同事試過，係土耳其入住其他酒店嘅時候，擺咗一疊現金係夾萬入邊，好彩呢位同事非常醒目，將每一張銀紙金額都寫上紙上，有一晚收返啲現金嘅時候發現，唔同金額嘅現金，唔見咗一兩張！即係話housekeeping鬼鼠咁偷咗一兩張，以為神不知鬼不覺！

其實每一間大酒店品牌內部都有一個保安流程，尤其係客人留咗一啲重要嘅證件係夾萬又唔記得咗密碼嘅時候，酒店會有一系列嘅保安程序，保安先會用萬用鎖匙幫客人開夾萬。但！係！如果你嗰間係三四星酒店，又或者酒店前邊有另外間公司名嘅時候，證明左呢一間酒店本身唔係屬於品牌旗下，係由另一個集團擁有嘅，佢哋開酒店嘅Budget好參差，所以好有可能喺夾萬啊，燈啊，水龍頭啊呢啲小item 度 cut cost。有啲夾萬，係真係六個零就開到架！唔知夾萬信唔信得過？每次放野落去之前試吓就知道咯！

btw。。小編我無論住喺幾多星酒店都唔擺嘢係夾萬嘅，原因非常簡單，係因為我從來唔會記得喺夾萬到攞返嘢出嚟，試過好多次要飛的返轉頭攞返Passport現金 😅都係擺喺行李篋入面，然後上鎖安全啲。